تعال نحلم بعالم أمين
فيه الناس مبسوطة
والكرامة محفوظة
والهم كله دور الجلي ع مين؟!
تعال نحلم.. وما غلط نحلم
دنيا بلا حرب
بلا تهجير وضرب
ولا ظالم لعين
قولك الي مات مرتاح؟!
يمكن لأنه راح
ما شاف الذل
ما شاف كل هالألم
ما قال يا ريتني متت
أكيد مرتاح
والهم على من ضل
والصبر مانو مفتاح
ما غلط نحلم
وشو بدنا نحلم لنحلم
سألتني بنتي ليش نحن سوريين؟!
حزرك شو قلتلها؟!
قلتلها بتعرفي لحالك بس تكبري!
ويا ريتني يا أبوي ما كبرت
لأن نيال من مات
نيالو مرتاح
ومنرجع للحلم
شو كان حلو الحلم
بس هالحلى راح مع الي راح
صرنا نشوف بلدنا بالمنامات
وبلدنا منعرفها مدمرة
واولادنا ما عندهن تذكرة
لا في رجعة ولا في مشحرة
الأحلام الحلوة بالغصب
والعيشة على قد الحال
الكرامة انسى المهم السترة
والموت على أهون سبب
يمكن ما يصح الصحيح
ويمكن الشجر تشيلها الريح
والدنيا بما فيها ذرة غبرة بهالكون الفسيح
يمكن عطسة مَلَك
تشيل الأرض
وما يضل عليها بشر
سيدي
يا ريت
يلعن الزعلان
